iPhone 4S |
នៅទីបំផុត ក្រុមហ៊ុន Apple បានបញ្ចេញនូវ iPhone ស៊េរីថ្មីរបស់ខ្លួនហើយកាលពីយប់ម៉ិញនេះ តែមិនមែនជា iPhone 5 ដែលគ្រប់គ្នារំពឹងទុកនោះទេ គឺជា iPhone 4S ដូចដែលអ្វីដែលខ្មែរសារិកាបានចុះកន្លងមក។
ទូរសព្ទ iPhone 4S នឹងមានទំហំផ្ទុក ១៦ជីហា្កបៃ ៣២ជីហ្កាបៃ និង៦៤ជីហ្កាបៃ ហើយនឹងត្រូវចេញលក់នៅប្រទេសចំនួន៧ នៅថ្ងៃទី១៤ ខែតុលា ខាងមុខនេះ។
ទូរសព្ទថ្មីនេះនឹងមើលទៅមានសំបកក្រៅដូច iPhone 4 ដែរ ប៉ុន្ដែគ្រឿងក្នុងរបស់វាមានការខុសប្លែកច្រើន ហេតុនេះហើយបានជាគេហៅថា iPhone 4S។
លោក Phil Schiller ដែលជាអនុប្រធានផ្នែកទីផ្សារផលិតផលនៃ Apple ដែលបានណែនាំពី iPhone 4S ថ្មីនេះ បាននិយាយថា កុំអាក់អន់ចិត្តនឹង iPhone ថ្មីនោះ ព្រោះផ្នែកខាងក្នុងរបស់វាគឺថ្មីទាំងអស់។
iPhone 4S ដំណើរការដោយ A5 processor ដូច iPad 2 ដែរ ហើយមានកាមេរ៉ាប្រសើរជាងមុន ពោលគឺ ៨មេហ្កាភិចស៊ែល (iPhone 4 មាន ៥មេហ្កាភិចស៊ែល) ដែល Apple បាននិយាយថា កាមេរ៉ានេះនឹងធ្វើឲ្យលោកអ្នកទទួលបានរូបភាពច្បាស់ជាងមុន លឿនជាងមុន និងមានពណ៌ធម្មជាតិល្អជាងមុនផងដែរ។
អ្វីដែលពិសេសជាងនេះទៅទៀត គឺ iPhone 4S មាន Voice-recognition app ដែលមានឈ្មោះថា Siri ដែលអាចឲ្យលោកអ្នកសួរនូវអ្វីដែលអ្នកចង់ដឹង បញ្ជាទៅកាន់ iPhone របស់អ្នកដោយប្រើសំលេង ដូច្នេះហើយបានគេហៅព្រឹត្តិការណ៍នេះថា "Let's Talk iPhone"។ Siri គឺជាជំនួយការដ៏ឆ្លាតវៃ ដែលអាចឲ្យលោកអ្នករៀបចំកាលវិភាគព្រឹត្តការណ៍នានា ដាក់ម៉ោងរោទ៍ ការព្យាករណ៍អាកាសធាតុ និងមានអ្វីជាច្រើនទៀត តាមរយ:ការនិយាយទៅកាន់ iPhone។ បើអ្នកសួរថា Do I need a raincoat today?" ពេលនោះ iPhone របស់អ្នកនឹងឆ្លើយទៅកាន់អ្នកភ្លាមនៅការព្យាករណ៍អាកាសធាតុ បើអ្នកនិយាយថា "Wake me up tomorrow at 6am" វានឹងកំនត់ម៉ោងរោទ៍ (Alarm clock)អោយអ្នក បើអ្នកប្រាប់វាថា "I want to try Italian food" វានឹងប្រាប់អ្នកវិញថាមានភោជនីយដ្ឋានបីបួននៅក្បែៗ នឹងព្រមជាមួយឈ្មោះ អាសយដ្ឋាន របស់ភោជនីយដ្ឋានទាំងនោះ បើអ្នកប្រាប់វាថា "Take me to that Restaurant" វានឹងបង្ហាញផ្លូវដល់អ្នកតាមរយ: Google Map។
iPhone 4S នឹងដំណើរការដោយ iOS 5 ដែលជាប្រព័ន្ធដំណើរការថ្មីដែលនឹងចេញនៅថ្ងៃទី ១២ តុលា ខាងមុខនេះ។ ដើម្បីអោយកាន់តែជ្រាបច្បាស់សូម ចូលទៅកាន់វ៉ិបសៃថ៍របស់ Apple www.apple.com
តើអ្នកមានគំរោងដូរទូរសព្ទរបស់អ្នក យក iPhone 4s ទេ?
ដកស្រង់ពីខ្មែរសារិកា
0 comments:
Post a Comment