ខណៈពេលដែលអ្នកប្រើប្រាស់ចេះតែកើនឡើងមិនឈប់ឈរ Facebook ក៏ត្រូវបង្កើនការប្រុងប្រយ័ត្នឲ្យកាន់តែខ្លាំងជាងមុន ព្រោះអ្នកប្រើប្រាស់កាន់តែច្រើន ជនខិលខូចក៏កាន់តែច្រើនដែរ។
ដើម្បីការពារអ្នកប្រើប្រាស់របស់ខ្លួន Facebook បានសហការជាមួយក្រុមហ៊ុន Websense ក្នុងគោលបំណងកំណត់ និងការពារប្រព័ន្ធសុវត្ថិភាពនៅលើបណ្តាញសង្គមមួយនេះ។ Websense នឹងជួយរក្សាអ្នកប្រើប្រាស់ឲ្យមានសុវត្ថិភាពដោយកំណត់លើការបើកអាសយដ្ឋានដែលមានមេរោគ។ ពេលណាអ្នកប្រើប្រាស់ព្យាយាមបើកអាសយដ្ឋានដែលគ្មានសុវត្ថិភាព Websense នឹងចេញជាកំណត់សម្គាល់នៅលើអេក្រង់ ដោយស្នើសុំឲ្យអ្នកប្រើប្រាស់ត្រឡប់ទៅទំព័រដើមវិញ។
នេះអាចជាយុទ្ធសាស្ត្រក្នុងការការពារបណ្តាញទំនាក់ទំនងសង្គមរបស់ខ្លួន ប៉ុន្តែមិនមែនមានតែប៉ុណ្ណឹងនោះទេ Facebook ក៏បានសហការជាមួយ Web of Trust ដើម្បីគ្រប់គ្រងលើការចែកចាយមេរោគនៅលើ Facebook ផងដែរ។ ជាពិសេស Facebook ក៏មាន Database ផ្ទាល់ខ្លួនដែលបានកំណត់លើអាសយដ្ឋានគ្រោះថ្នាក់ផងដែរ។
ងាកទៅមើល Websense វិញ វាបានបញ្ចេញកម្មវិធីក្នុង Facebook ឈ្មោះ Defensio ដែលអាចដាក់កម្រិតលើអាសយដ្ឋានដែលអ្នកប្រើប្រាស់អាចផ្សាយលើ Wall របស់ខ្លួនបាន។
Facebook ព្យាយាមការពារខ្លួនប៉ុណ្ណឹង គ្រប់គ្រាន់នៅ? មិត្តអ្នកអានគិតថា Facebook អាចការពារខ្លួនបានដែរឬយ៉ាងណា? គួរបញ្ជាក់ផងដែរថា កាលពីខែកន្លងទៅក្រុម Hacker ឈ្មោះ Anonymous ធ្លាប់បានប្រកាសចង់បំផ្លាញ Facebook នៅត្រឹមថ្ងៃទី ៥ ខែវិច្ឆិកាខាងមុខនេះ៕
ដកស្រង់ពីសប្បាយ
0 comments:
Post a Comment